Sera passai pe no stritto vico
nge trovai na porta ppannata

Pe seppontella ng'era na pagliuca
pe maschitiello no filo re seta

Rinto nge stia no lietto parato
cuscina r'oro e manta re velluto

Ngoppa nge stia na ronna corcata
non era nì bistuta e nì spogliata

Essa mi recette corcati a sto lato
me nge corcai contento e risuluto

A la matina lo scontai lo frate
stanotte affianco a soreta aggio rormuto

Lo frate si otao arderato
eddra me ngi ha chiamato e io so gghiuto

Eddra me ngi ha chiamato e io so gghiuto
tu mo che buò ra me curnuto.